नाशिक : चांदवड घाटात बर्निंग बसच्या थरारानंतर आता दिंडोरी परिसरात बर्निंग कारचा थरार पाहायला मिळाला आहे. नाशिकच्या दिंडोरी तालुक्यातील वलखेड फाट्यावर कारला अचानक आग लागली आणि बघता बघता संपूर्ण कार आगीच्या आहारी गेली. आजच्या दिवसात वाहनाला आग लागल्याची ही दुसरी घटना असून या घटनेत कारचे रुपांतर राखेत झाले आहे.
अचानक लागलेल्या आगीत कार जळून खाक झाली मात्र आगीचे कारण अद्याप समजू शकले नाहीये. कार मध्ये असलेले व्यक्ती बाहेर पडल्याने सुदैवाने मोठा अनर्थ टळला आहे. मात्र या घटनेत कार पूर्णपणे जळून खाक झाली आहे.
दिंडोरी परिसरात बर्निंग कारचा थरार
दिंडोरी परिसरात बर्निंग कारचा थरार
नाशिकच्या दिंडोरी तालुक्यातील वलखेड फाट्यावर कार ला लागली आग
आगीत कार जळून खाक आगीचे कारण मात्र अस्पष्ट
कार मध्ये असलेले व्यक्ती बाहेर पडल्याने सुदैवाने मोठा अनर्थ टळला
दिंडोरी-वणी मुख्य रस्त्यावर वलखेड शिवाराजवळ ही घटना घडली आहे. इंडिका गाडीला अचानक आग लागल्याने गाडीत असलेले प्रवाशी घाबरले होते. मात्र यावेळी मोठ्या शिताफीने हे सर्व प्रवासी वाहनातून बाहेर निघाल्याने मोठी दुर्घटना टळली आहे. रस्त्यावरच या कारने पेट घेतल्याने त्या ठिकाणहून ये-जा करणाऱ्यांना देखील धोका निर्माण झाला होता. दरम्यान स्थानिकांनी ट्रॅक्टर टँकरने आग विझविण्याचा प्रयत्न केल्यानंतर आग आटोक्यात आली. मात्र बर्निंग कारच्या या थरारामुळे रस्त्यावरची वाहतूक काही काल खोळंबली होती. त्यानंतर पोलिसांनी घटनास्थळी धाव घेत सुरक्षा तैनात केली.
नाशिक जिल्ह्यात आग्नितांडव सुरु असताना पुन्हा या आगीच्या घटना समोर येत आहे. गेल्या काही दिवसांपासून नाशिकमध्ये वाहनांना आग लागल्याच्या घटना वाढत असताना आता नाशिकच्या चांदवड घाटात बसला भीषण आग लागल्याची घटना समोर आली होती. या आगीत बस पूर्णपणे जवळून खाक झाली आहे. मात्र सुदैवाने जीवितहानी टळली. या आगीत बस पूर्णपणे जवळून खाक झाली आहे. मात्र आग का लागली याचे कारण अद्याप स्पष्ट होऊ शकले नाही. सुदैवाने सर्व प्रवासी आग लागताच खाली उतरल्याने मोठी दुर्घटना टळली असल्याचे बोलले जात आहे. ही बस मालेगाव वरून नाशिककडे येत होती. दरम्यान चांदवड घाटात बसने अचानक पेट घेतला. बसने पेट घेताच बस चालक आणि कंडक्टरने सर्व प्रवाशांना प्रसंगावधान राखत तत्काळ खाली उतरवले. त्यामुळे मोठी दुर्घटना टळली. त्यानंतर आता दिंडोरी-वणी मुख्य रस्त्यावर वलखेड शिवाराजवळ बर्निंग कारचा थरार अनुभवायला मिळाला आहे.